التخطي إلى المحتوى الرئيسي

لما قابلتينى


لما قابلتينى
كان الصبح كأنوا ليل
كان الامر مش صدفة ولا تدبير
بدأنا كلام ، صمت طويل
وسيبنا الطبيعة الام تتعامل
ولأول مرة كانت تضحكلى
ولأول مرة بعد النقص احس ان انا كامل
زى الحلم
مشفوفا قدامى برسم جميل
زى النيل
موجة عدانى لبر امان
وانا انسان ملوش فى الدنيا اى امال
مليش اوطان غير فى عيونك
واساليهم عنى هيقلولك
واسألى كمان السما لما تحبنى
ترسملى سلالم وانا الصاعد
واما بتغضب تمطر
فاقوم متزخلق ومتلغبط
ما بين صاعد وبين هابط
لكنى معاكى تمالى صعود
ولو حتى كنت بموت
فانا المتعلق بأحضانك
وانا المتشعبط
يا اجمل بنت بتدارى
يا احسن حد وقت الجد يستعبط
بموت فى حيائك ووشك الخجلان
يادوب لو كلمة منى بان متغير
ودعائك ليا كل اذان انى معاكى متغير
بشوف فيكى حنية امى
بشوفك حلمى من وانا صغير

لما كبرت
كأنك تهتى يا حبيبتى
وتهت انا وسط بحور بتضيع
صاحبت كتير وحبيت بعدك
لكن كل اللى حبيتهم باعونى
قبل ما افكر حتى انى ابيع
وصفولى الحب شجاعة
وان انا الفارس والشجيع
فهمونى انى الامان وانى المكان
ومهما طال الزمان هفضل فوق راس الجميع
بعدين عرفت كان كله كدب
وانى عاجز وسط بحور بترمينى
والموج عالى وانا مش قادر
ومش مسمحولى أأن ولا مسمحولى أغادر
لغاية ما شفتك قصاد عينى
كل الوجع راح لما قابلتينى
بتعجب انك لسه فكرانى
وفاكرة ملامحى
مش عارف ازاى هتسامحى واحد عاش بعيد عنك متغرب
محاولش ف يوم انه يقرب
هرب وساب الوجع فى ضلوعك
لكنه رجع ندمان على الماضى
رجع من تانى يتمنى بس رجوعك
وانتى يا حبيبتى زى ما انتى نقيض ليا
كل ما تكتر مساوئى تزيدى انتى طيبة وحنية
كأنك ملاك غطانى بجناحة من مطر سماوات بتأذينى
كأنك هلاك لكل الغزاة
وطوق نجاة ليا عمرة ما نسينى
كأنك فنار اهتدى قلبى لحطانها
واترمى جسدى الضعيف ف أحضانها
مستنى البحر انه ياخدنى أو يخلينى
فى انتظار الموج اما يهجرنى
او تسامحينى
لما قابلتينى



القصيدة دى كتبها عبد الرحمن الزيات تقدروا تتابعوا من اللينك دا abdo.elzeat
التسميات:

تعليقات

إرسال تعليق

المشاركات الشائعة من هذه المدونة

الخازوق

          القصة المعروفة عن الخازوق أن فيه ملك زمان مش فاكر اسمه بصراحة ، كان بقتل و يعذب اعداء بطريقة غريبة أنه بيجيب وتد طويل طبعا يكون حاد وجاهز  ويحطوا فى منطقة معينة كدا فى جسم الانسان اكيد كلنا عارفينها لحد ما يطلع من راسه ، فى النهاية الراجل دا اتعرف بأسم دراكولا ، واللى اتبنى عليه قصص مصاصين الدماء والشغل دا .     طبعا لما تتخيل الموقف ، طريقة وحشية جدا للتعذيب والقتل ، بس فى الوقت الحالى 2017 سيبك من دا ، انك تكون مواطن مصرى ، فالخازوق بالنسبالك شئ عادى ، انا شخصيا بتخوزق فى اليوم 5 أو 6 مرات على الأقل ، انت دلوقتى وانت بتقرأ المقالة دى ممكن تكون قاعد على خازوق بس مش حاسس ، وممكن يكون بيتجهزلك خازوق وانت مش عارف دا شئ طبيعى عندنا ، فعليا بقينا بناخد كل خازوق اوسخ من اللى قبلة . من اول ما تطلع للدنيا فى بلدنا الحبيبة بيم تربيتك باسلوب اسمع الكلام علشان كدا عيب من غير ما تعرف هو دا عيب ليه ولا غلط ليه هو كدا اسمع ونفذ وخلاص ، انا بالنسبة ليا دا كان اكبر خازوق فى حياتى ، انى اتربيت بحاجة شبة كدا أو عموما معظمنا اتربه كدا ، ...
إرسال تعليق
قراءة المزيد

ابقى من اجلى فى ذكرياتى حيث تنتمى .

   كنت دايما بسأل نفسى انا ليه بفتكر الماضى , ليه دايما الحنين لحاجات وناس مبقوش اصلا معانا . الحنين !! ايوة الحنين لايام واحداث وناس كنا كل شوية معاهم ودلوقت مبقاش فاضل منهم غير ذكرياتهم اللى بقيت بحاول افتكرها , بس دايما الزمن فعلا عنده قدرة رهيبة انه يخليك تنسى , او بالمعنى الاصح يشيل الالم من قلبك علشان تعرف تكمل ,علشان تعيش , علشان فعلا الدنيا مش بتوقف على حد , فعلا محدش هيبقى . كل الحنين دا لحاجات راحت من زمان , انا بعترف انها كانت ايام حلوة وبتمنى ترجع تانى علشان اعيش فيها ولو لمجرد لحظات , ارجع تانى واحاول اصلح اللى اتكسر , بس الحقيقة ان الناس بتتغير ومبيفضلش حاجة غير الذكريات . عارف انت لما تعد لوحدك ومعاك الهاند فرى ومشغل اغانى وضارب الدنيا بالجزمة وعايش لحظة التأمل دى وبتفتكر اللى فات وتعيش حالة الفراغ اللى محدش هيفهما غيرك , الضحكة الهبلة اللى بتطلع لوحدها علشان بس افتكرت حاجة حلوة او وحشة او حتى افتكرت قد ايه كنت اهبل قوى وانت صغير , الدمعة اللى عايزة تنزل وبتعافر بس انت حالف انها متنزلش مهما حصل حتى لو لوحدك . عموما .. لكل شخص انا حبيتة وخذلنى او ح...
إرسال تعليق
قراءة المزيد

انا معاه

بقولك ايه ؟  ما تيجي نخرج ؟ ماشي بس عايزة اروح مكان بعيد ! ماشي اشطة ، البسي وهعدي عليكي  . ذلك الشعور بالسعادة التي لا توصف ، وانت ذاهب لتري من تحب ، فقط مجرد التفكير بانني ذاهب لكي ارها ، يصيبني بالجنون . نعم ! فهي تلك الفتاة التي تحبني كما انا مهما ان فعلت ومهما ارتكبت من اخطاء لا تغفر ، هي فقط من تفهم من انا ، هي فقط من اتجرد معها من كل شيء واصبح انا ، تظهر تلك الشخصية الغريبة بكل معلمها معها هي فقط . لقد مرت العديد من السنين ونحن معا ، دائما ما نفتعل المشاكل معا ، دائما ما تمر الايام ونحن لا نتحدث ، ولكن نبقي معا مهما حصل . من الصعب ان تجد من يشبهك لتلك الدرجة ، من يفهم كل معانيك ، من لا تستطيع ان تكون شخص اخر معه ، فقط اكون انا وتكون هي هي ، ومع هذا يبقي ذلك الاعتقاد باننا لن نكون معا في النهاية فكلانا مؤمن باننا لن نصلح ان نكون زوج وزوجة ، فنحن اكبر من ذلك بكثير ، تلك السعادة التي نحصل عليها عندما نكون معا ، لن تكون هي هي عندما نتزوج لا اعرف لما هذا الشعور . ها انا وصلت ، وها هي تنظرني واقفة بتلك الابتسامة التي تصيبني دائما بالجنون وتجعل تلك المضحة...
إرسال تعليق
قراءة المزيد